മദ്യം ശരണം

" ഒരു മദ്യപാനി ആദ്യം ബുദ്ധി നഷ്ടപ്പെടുത്തുകയും പിന്നീട് സംസാരിക്കാനുള്ള ശേഷി നേടുകയും ചെയ്യുന്നു"
(സ്കോട്ടിഷ് പഴമൊഴി)
ഖജനാവില്‍ കാശില്ല. എന്നാല്‍ നാട്ടാരുടെ കൈയില്‍ ഇഷ്ടം പോലെ കാശുണ്ട്. പക്ഷെ സര്‍ക്കാര്‍ ഖജനാവിലേക്ക് എങ്ങിനെ അതെത്തിക്കും? നക്കാപിച്ച ടാക്സ്‌ തീരെ പോര. പോരാത്തതിന് വി വി ഐ പി കളില്‍ നിന്നും ടാക്സ്‌ പിടിച്ചു വാങ്ങാന്‍ ധൈര്യവും പോരാ. പിന്നെയുള്ളത് മദ്യക്കച്ചവടം. നാടനെന്നു പറഞ്ഞാല്‍ വില കൂട്ടി വില്‍ക്കാന്‍ പറ്റില്ല. അപ്പോള്‍ പേര് 'ഇന്ത്യന്‍ നിര്‍മിത വിദേശ മദ്യം!!' ഇതെന്തു മദ്യം? അപ്പോള്‍ വിദേശ നിര്‍മിത ഇന്ത്യന്‍ മദ്യം ഉണ്ടോ? അതാണതിന്റെ കളി. പണ്ട് നമ്മളാരെങ്കിലും 'ഇറച്ചിക്കോഴി' എന്ന് കേട്ടിട്ടുണ്ടോ? കോഴിയിറച്ചി അല്ലെ ഉണ്ടായിരുന്നുള്ളൂ.
ഏതായാലും കച്ചവടം നഷ്ടമായില്ല എന്ന് മാത്രമല്ല ഉണ്ടാക്കുന്നത് തികയാതെയുമായി. മൊത്തത്തില്‍ കേരളത്തെ കുടിപ്പിച്ചു കിടത്തി. ഒറ്റ ദിവസം നാല്പത്തി അഞ്ചു കോടി രൂപ വരെ കളക്ഷന്‍ ഉണ്ടാക്കി! ഒരു നേരത്തെ ഭക്ഷണത്തിനും മരുന്നിനും തെണ്ടുന്ന, അടുക്കളയില്‍ ശവമടക്കേണ്ടി വരുന്ന, പെണ്മക്കളെ കെട്ടിച്ചു വിടാന്‍ അടിവസ്ത്രം വരെ വില്‍ക്കേണ്ടി വരുന്ന ഒരു സമൂഹത്തിലാണ് ഇത് എന്നോര്‍ക്കണം! മക്കള്‍ക്ക്‌ കപ്പലണ്ടി മിട്ടായിയും ഭാര്യക്ക് പരിപ്പ് വടയും വാങ്ങി വൈകുന്നേരം വീട്ടില്‍ എത്തേണ്ടിടത്ത് പകരം, തിന്നാന്‍ തീയും കുടിക്കാന്‍ കണ്ണീരും ആണ് അവര്‍ക്ക് ലഭിക്കുന്നത്. നാല്പത്തഞ്ചു കോടി ചെലവാക്കിയത് മരുന്ന് വാങ്ങാനല്ല ചേട്ടാ - ദൈവം ദാനമായി നല്‍കിയ സുബോധം നശിപ്പിക്കാനാണ്. സന്തോഷം ആഖോഷിക്കാനും ദുഃഖം ആചരിക്കാനും കുടിക്കുന്ന ഒരേ ഒരു സാധനമാണ് മദ്യം. അച്ഛന്റെ ജന്മദിനവും ചരമദിനവും കൊണ്ടാടുന്നത് മദ്യം കൊണ്ട് തന്നെ.
മദ്യം കൊണ്ട് ഖജനാവിലേക്ക് വരുന്നതിന്റെ എത്രയോ മടങ്ങ്‌ അത് മൂലം പ്രത്യക്ഷമായോ പരോക്ഷമായോ ചെലവാകുന്നു.
മദ്യപനായ ഭര്‍ത്താവിന്റെയോ അച്ഛന്റെയോ ശല്യം സഹിക്കാനാവാതെ അയാളെ കൊലപ്പെടുത്തിയ എത്ര കേസുകള്‍ നമുക്ക് ചുറ്റുമുണ്ട്. ഈ ജീവിതതിനെക്കാള്‍ നല്ലത് ജയില്‍ തന്നെ എന്ന് കരുതി തന്നെ യല്ലേ അവര്‍ ഇത് ചെയ്തിരിക്കുക? അവരുടെ മാനസികാവസ്ഥ എന്ത്? ജയില്‍ പേടിച്ചു മര്‍ദനവും സഹിച്ചു ഭര്‍ത്താവിന്റെ / അച്ഛന്റെ മരണവും ആഗ്രഹിച്ചു കഴിയുന്ന എത്ര പേര്‍ നാട്ടിലുണ്ട്?
മദ്യം കാരണം അപകടം സംഭവിച്ചവര്‍ എത്ര?മരിച്ചവര്‍ എത്ര? അംഗവൈകല്യം വന്നവര്‍ എത്ര? കരള്‍ ദ്രവിച്ചവര്‍ എത്ര? മാനസിക നില തകര്‍ന്ന സ്ത്രീകളുടെയും കുട്ടികളുടെയും എണ്ണം എത്ര? അതിനേക്കാള്‍ വലുതല്ലേ നമുക്ക് കോടികള്‍!

പാവം സ്ത്രീകളെക്കൊണ്ട് ജയില്‍ നിറയട്ടെ
ആശുപത്രികള്‍ ഉയരട്ടെ
നാട്ടില്‍ വികലാന്കര്‍ പെരുകട്ടെ
നമുക്ക്-
കുടിച്ചുംകൊണ്ടിരിക്കാം ..............

ഉണ്ണിത്താന്‍ തന്നെത്താന്‍

എത്രയും ബഹുമാന്യനായ ഉണ്ണിത്താന്‍ സാറിന്,
എനിക്ക് ചേട്ടനെ വളരെ ഇഷ്ടമാണ്. കാരണം ചേട്ടന്റെ performance തന്നെ! ചാനലുകളില്‍ ചേട്ടന്റെ പ്രകടനം കണ്ടു കൊരിതരിച്ച്ചു പോയിട്ടുണ്ട്. ഹോ !! എന്തൊരു ലോകവിവരം! എന്തൊരു ശുഷ്കാന്തി!! രാഷ്ട്രീയതിനേക്കാള്‍ ചേട്ടന് ചേരുക വക്കീല്‍ പണിയാണെന്ന് പലപ്പോഴും തോന്നിയിട്ടുണ്ട്. ('അഭിനയം താങ്കള്‍ക്കു നന്നായറിയാം പക്ഷെ രാഷ്ട്രീയത്തില്‍ മാത്രം. സിനിമയില്‍ താങ്കള്‍ തികഞ്ഞ പരാജയമാണ്. നവ രസങ്ങള്‍ പോയിട്ട് ഏക രസം പോലും മുഖത്ത് പ്രകടമാവുന്നില്ല. അത് പോട്ടെ).
താങ്കളുടെ ചാനല്‍ പ്രകടനത്തില്‍ എന്നെ ഏറ്റവും ആകര്‍ഷിക്കുന്നത് പഴഞ്ചൊല്ലില്‍ ഉള്ള താങ്കളുടെ അവഗാഹമാണ്. എവിടന്നു കിട്ടി ഇതെല്ലാം ? താങ്കളുടെ ഓരോ ചാനല്‍ വെടിക്കെട്ടിനും മൂന്നു പ്രാവശ്യമെന്കിലും നിര്‍ബന്ധമായും ആവര്‍ത്തിക്കുന്ന പഴഞ്ചൊല്ലുകള്‍ ഞാന്‍ എഴുതി ചില്ലിട്ടു സൂക്ഷിച്ചിട്ടുണ്ട്. പോരാത്തതിന്, അതില്‍ നിന്നും പ്രചോദനം ഉള്‍ക്കൊണ്ട്‌ ഞാനൊരു കഥ പോലും എഴുതിയിട്ടുണ്ട് . ഗള്‍ഫ്‌ മനോരമയില്‍ വന്ന അത് ഇവിടെ അമര്‍ത്തിയാല്‍ വായിക്കാം. വായിച്ചാല്‍ പോര , താങ്കളുടെ വിലപ്പെട്ട കമന്റ് ഇടുകയും വേണം . താങ്കളുടെ പഴഞ്ചൊല്ലില്‍ നിന്ന് വളരെ പ്രസക്തമായത് കുറച്ചു മാത്രം ഇവിടെ എഴുതാം.

- every action has an equal opposite reaction
- മടിയില്‍ കനമുള്ളവനെ വഴിയില്‍ പേടി വേണ്ടൂ
- കൊടുത്താല്‍ കൊല്ലത്തും കിട്ടും
-താന്‍ താന്‍ നിരന്തരം ചെയ്തു കൂട്ടീടുന്നവ താന്‍ താന്‍ അനുഭവിച്ചീടുകെന്നെ വരൂ.
- പല നാള്‍ കള്ളന്‍ ഒരു നാള്‍ പിടിയില്‍

പക്ഷെ ചേട്ടാ....ഇത്രയും പെട്ടെന്ന് ചേട്ടന്റെ പഴഞ്ചൊല്ലുകള്‍ തിരിഞ്ഞു കൊത്തുമെന്നു സ്വപ്നത്തില്‍ പോലും ഞാന്‍ നിരീച്ചില്ല സത്യം. പോലീസ്‌ വണ്ടിയില്‍ ആ പാവം പെണ്ണിന്‍റെ ഒപ്പം ഇരുന്ന ഇരിപ്പ് കണ്ടാല്‍ ഓടേ തമ്പുരാന്‍ പോയിട്ട് സാക്ഷാല്‍ മുരളീധരന്‍ പോലും സഹിക്കില്ല.അസമയത്ത് ഒരു പെണ്ണിന്‍റെ ഒപ്പം കറങ്ങുന്നതും റൂമില്‍ ഒന്നിച്ച്ചിരിക്കുന്നതും തെറ്റാണെന്നാണ് ഞാന്‍ ഇതുവരെയും കരുതിയത്‌. താങ്കള്‍ പിന്നീട് ഒരു ചാനലില്‍ അതൊന്നും തെറ്റല്ല എന്ന് പറഞ്ഞപ്പോഴാണ് എനിക്കും മനസ്സിലായത്‌. ഇതൊന്നും ചേട്ടന്‍ ആദ്യമേ ഇതൊന്നും എന്തെ പറഞ്ഞില്ല . എങ്കില്‍ എനിക്കും ഒരു കൈ നോക്കാമായിരുന്നു. ഏതായാലും ചേട്ടന്‍ ഇനി മേലില്‍ മേല്‍ പറഞ്ഞ പഴഞ്ചൊല്ലുകള്‍ ഉപയോഗിക്കരുത്. അറം പറ്റിയ ഐറ്റംസ് ആണത്. ചാനല്‍ പ്രകടനത്തിലും മറ്റും എല്ലാവരെയും കാടടച്ചു 'വെടി' വെച്ചപ്പോള്‍ അവര്‍ ശപിച്ച്ചതായിരിക്കുമോ ??ഇനി ചാനലുകാര്‍ വിളിക്കുമ്പോള്‍ പറയാന്‍ പറ്റിയ പഴഞ്ചൊല്ലുകള്‍ ഞാന്‍ തന്നു സഹായിക്കാം. കാരണം എന്റെ മാതൃകാ പുരുഷനല്ലേ!! ഇതാ എഴുതിയെടുതോളൂ...

- കുഴിയില്‍ വീണവന്‍റെ മേല്‍ കല്ലിടരുത്
-ആവും കാലം ചെയ്തില്ലെങ്കില്‍ ചാവും കാലം ഖേദിക്കും
- വീട്ടിലെ ഭാര്യ വേപ്പ്‌ , കാട്ടിലെ ഭാര്യ കരിമ്പ്‌
- കണ്ണുള്ളപ്പം കാണണം , പല്ലുള്ളപ്പം തിന്നണം
- തല മോട്ടയടിച്ചപ്പം കല്ലുമഴ പെയ്തു
- അമക്കി ചെരച്ചാലും തലേലെഴുത്ത് മാറില്ല

മതി . ഇനി വേണമെങ്കില്‍ പിന്നീട് അറിയിക്കാം .
സ്നേഹത്തോടെ , ബഹുമാനത്തോടെവിനീതന്‍

ന്യൂ ഇയര്‍

എപ്പൊഴും ഓര്‍ക്കാന്‍ ആഗ്രഹിക്കുന്ന ഒരു ഇംഗ്ലിഷ്  പഴഞ്ചൊല്ലുണ്ട്
" THE FIRST BREATHE IS BEGINNING OF THE LAST BREATH"
(ആദ്യ ശ്വാസം അവസാന ശ്വാസത്തിന്റെ ആരംഭമാണ് )
അങ്ങനെ നാം ഒരു വര്‍ഷത്തെ കൂടി ആര്‍ത്തിയോടെ ചാടിപ്പിടിക്കുന്നു !!!!!
അടുത്ത വര്‍ഷം  മുഴുവന്‍ നാം ഇവിടെത്തന്നെ ഉണ്ടാവുമോ?
പിടി വിട്ടു പോകുമോ? .....പേടി തോന്നുന്നില്ല.
ചുറ്റുവട്ടം കാണുമ്പോള്‍ പലപ്പോഴും ഇതിലും ഭേദം .........................
പക്ഷെ , ഇനിയും പലതും ചെയ്തു തീര്‍ക്കാനുണ്ടെന്ന തോന്നല്‍.
ഇത്രയും കാലം ജീവിച്ചില്ലേ, ഏറിയാല്‍ ഇനിയെത്ര കാലം?
" നമ്മുടെ ശേഷിക്കുന്ന ജീവിതത്തിന്റെ ആദ്യത്തെ ദിവസമാണിന്ന്"
ഏതായാലും, ശേഷിക്കുന്ന നമ്മുടെ ഓട്ടത്തില്‍ അനിഷ്ടകരമായ ഒന്നും  ഉണ്ടാവാതിരിക്കട്ടെ!!!
ന്യൂ ഇയര്‍ ഞാന്‍ ആഘോഷിക്കാറില്ല . അതിരുകവിഞ്ഞ ഒരു പ്രാധാന്യവും അതില്‍ കാണുന്നുമില്ല.
ന്യൂ ഇയറിനെ കുറിച്ച് ഞാനൊരു മിനിക്കഥ (ഗള്‍ഫ്‌ മാധ്യമം) എഴുതിയിരുന്നു. കാലികമാണെന്നു തോന്നിയതിനാല്‍ അതിന്റെ ലിങ്ക് ഇവിടെ ചേര്‍ക്കുന്നു .

ഞാന്‍ ആര്‍ക്കും ആശംസകള്‍ കാര്‍ഡ് രൂപത്തില്‍ അയക്കുന്നില്ല. (അതിനെക്കാള്‍ വലുതല്ലേ ഇത്!!!)

സ്നേഹത്തോടെ, ആശംസകളോടെ, പ്രാര്‍ത്ഥനയോടെ...
ഇസ്മായില്‍ കുറുമ്പടി (തണല്‍)


SHAISMA@GMAIL.COM

റിഹേഴ്സല്‍ ജിഹാദ്

" എന്റെ മകള്ക്ക് ഒരു വരനെ വേണം ദാസപ്പാ . നിന്റെ സൗദി അറേബ്യ യില്‍ നിന്ന് ഒരു അറബി ആയാലും കുഴപ്പമില്ല "
"എന്താ കോയാക്കാ , ധനികനായ നിങ്ങടെ മകള്ക്ക് വിദേശി വരനോ? നിങ്ങടെ കൂട്ടത്തി‍ലൊന്നും ആണ്കു്ട്ടികള്‍ ഇല്ലേ!!"
" അവര്ക്കൊ ക്കെ ഇപ്പം മറ്റു മതസ്ഥരായ പെണ്പില്ലാരെ മതിയെന്ന് ! ഞങ്ങളുടെ പെണ്പില്ലാര്ക്കി പ്പം അവര്ക്കി ടയില്‍ തീരെ വിലയില്ല .പുര നിറഞ്ഞു നിന്നാല്‍ കെട്ടിച്ചു വിടാണ്ടോക്കുമോ ദാസപ്പാ ?"
" ഞങ്ങള്ക്കും് പ്രശ്നമുണ്ട് കോയാക്കാ . എന്റെ മകന് ഒരു വധുവിനു വേണ്ടി ഞാനൊരു പാട് അലഞ്ഞതാ. ഒരുത്തിക്കും അവനെ വേണ്ടെന്ന്! ബൈക്കിനു ഗ്ലാമര്‍ പോരെന്നു കരുതി ഞാനവനു കാറും സ്വര്ണ് ചെയിനും ഒക്കെ വാങ്ങിക്കൊടുത്തു . രക്ഷയില്ല . എല്ലാ പെണ്കു ട്ടികള്ക്കും ലവ് ജിഹാദികളെ മതി പോലും! അവര്ക്കി ടയില്‍ ഞങ്ങളുടെ ആണ്കുുട്ടികള്ക്ക് ഒരു വിലയുമില്ല."
" ഇനിയിപ്പം എന്ത് ചെയ്യും ചെയ്യും ദാസപ്പാ "
" ഏതായാലും ഞങ്ങടെ യുവാക്കള്ക്ക് ഡിമാന്റ് ഇല്ല. അപ്പം നിങ്ങളുടെ മകള്ക്ക് മറ്റു മതസ്ഥരില്‍ നിന്ന് ഒരു പയ്യനെ നോക്കിയാലോ കോയാക്കാ?"
" അള്ളാ!! അത് റിവേര്സ്െ ജിഹാദ് ആവില്ലേ?"
" അല്ലെങ്കില്‍ തന്നെ നമ്മുടെ നാട് റിവേഴ്സില്‍ അല്ലെ പോയിക്കൊണ്ടിരിക്കുന്നത്? നിങ്ങള്‍ അറബിക്ക് കല്യാണം ആലോചിക്കുന്നതും റിവേഴ്സ് അല്ലെ?"
" ശരിയാ . നമ്മുടെ നാട്ടില്‍ നിന്ന് തന്നെ ഒരു റിവേഴ്സിനു റിഹേഴ്സില്‍ നടത്താം അല്ലെ ദാസപ്പാ?"
" അതെ . റിഹേഴ്സല്‍ ജിഹാദ് എന്ന് പേരുമിടാം"